1. Ерөнхий зүйл
Энэхүү Нууцлалын бодлого нь TELEREHAB платформ (вэб сайт, гар утасны апп, Academy) ашиглах үед таны хувь хүний болон эрүүл мэндийн мэдээллийг хэрхэн цуглуулах, ашиглах, хадгалах, хамгаалахыг тодорхойлно. Бид Монгол Улсын Хувь хүний мэдээлэл хамгаалах тухай хууль, Эрүүл мэндийн тухай хууль болон холбогдох бусад хууль тогтоомжийг мөрдөнө.
Платформыг ашигласнаар та энэхүү бодлогыг хүлээн зөвшөөрсөнд тооцогдоно.
2. Бидний цуглуулах мэдээлэл
- Бүртгэлийн мэдээлэл: утасны дугаар (verify.mn-ээр баталгаажуулна), овог нэр, хүйс, төрсөн огноо, и-мэйл (заавал биш), профайл зураг.
- Эрүүл мэндийн мэдээлэл: онош, өвчний түүх, мэс засал, харшил, хэрэглэж буй эм, хөдөлгөөний түвшин, өвдөлтийн үнэлгээ, дасгалын гүйцэтгэл, мэргэжилтний үзлэгийн (SOAP) тэмдэглэл, эмчилгээний төлөвлөгөө.
- Ар гэрийн гишүүдийн мэдээлэл: таны нэмсэн хамааралтай өвчтөний (жишээ нь эцэг эх, хүүхэд) дээрх мэдээлэл. Та тэдний өмнөөс мэдээлэл оруулах эрхтэй гэдгээ баталгаажуулна.
- Байршил: гэрийн үзлэгийн хаяг ба газрын зургийн координат. Мэргэжилтний хувьд онлайн төлөвт байх үеийн байршил (ойр захиалга санал болгоход ашиглана).
- Төлбөрийн мэдээлэл: QPay нэхэмжлэх, гүйлгээний төлөв, дүн. Бид банкны карт, дансны нууц мэдээллийг хадгалахгүй. Мэргэжилтний хувьд орлого шилжүүлэх дансны мэдээлэл.
- Харилцаа: чат мессеж, хавсралт файл, дуудлагын бүртгэл (огноо, үргэлжлэх хугацаа).
- Мэргэжилтний баримт бичиг: лиценз, диплом, сертификат, иргэний үнэмлэх.
- Техникийн мэдээлэл: төхөөрөмжийн төрөл, push мэдэгдлийн токен, IP хаяг, алдааны лог.
3. AI хөдөлгөөн хянагч ба камер
TELEREHAB аппын хөдөлгөөн хянагч нь таны утасны камерын дүрсийг зөвхөн төхөөрөмж дээр боловсруулж, үе мөчний байрлалаас давталт, барих хугацаа, хөдөлгөөний далайц, буруу хөдөлгөөнийг тооцоолно.
- Видео бичлэг хийхгүй, зураг хадгалахгүй, серверт дүрс илгээхгүй.
- Серверт зөвхөн тоон үзүүлэлт (давталтын тоо, нарийвчлалын оноо, хөдөлгөөний далайц, алдааны төрөл ба тоо) хадгалагдаж, таны мэргэжилтэнд явцыг хянахад ашиглагдана.
- Камерын зөвшөөрлийг та хүссэн үедээ утасныхаа тохиргооноос цуцалж болно.
Видео зөвлөгөө (LiveKit) бодит хугацаанд шифрлэгдсэн холболтоор дамжих бөгөөд бид зөвлөгөөг бичихгүй. Academy-ийн вебинарыг бичиж болох бөгөөд энэ тухай урьдчилан мэдэгдэнэ.
4. Мэдээллийг ашиглах зорилго
- Захиалга хүлээн авах, тохирох мэргэжилтэнтэй холбох, үйлчилгээ үзүүлэх.
- Эмчилгээний төлөвлөгөө, дасгалын хөтөлбөр, явцын хяналт (RTM), эрсдэлийн сэрэмжлүүлэг үүсгэх.
- Төлбөр тооцоо, буцаалт, мэргэжилтний орлого шилжүүлэх.
- Захиалгын төлөв, сануулга, чатын мэдэгдэл илгээх.
- Мэргэжилтний мэргэшлийг баталгаажуулах, үйлчилгээний чанарыг хянах.
- Залилан, хууль бус үйлдлээс урьдчилан сэргийлэх, хуулийн шаардлагыг биелүүлэх.
- Нэргүйжүүлсэн статистик ашиглан үйлчилгээгээ сайжруулах.
6. Мэдээллийн аюулгүй байдал
- Бүх холболт HTTPS/TLS-ээр шифрлэгдэнэ.
- Нууц үгийг argon2id алгоритмаар hash хийж хадгална; бид таны нууц үгийг мэдэх боломжгүй.
- Нэвтрэх токеныг вэб хөтөч дээр JavaScript-д хүрэхгүй httpOnly cookie-д хадгална.
- Эмнэлгийн баримт, чатын хавсралтыг хаалттай хадгалалтад байршуулж, богино хугацаатай холбоосоор л нээнэ.
- Ажилтны хандалтыг үүргээр нь хязгаарлаж, бүх өөрчлөлтийг бүртгэнэ.
7. Хадгалах хугацаа
Таны мэдээллийг бүртгэл идэвхтэй байх хугацаанд хадгална. Бүртгэлээ устгасан тохиолдолд хувийн мэдээллийг нэргүйжүүлнэ. Харин нягтлан бодох бүртгэл, татварын хууль тогтоомжоор заавал хадгалах төлбөрийн баримт болон эрүүл мэндийн тусламж үйлчилгээний бүртгэлийг хуульд заасан хугацаанд хадгалж, дараа нь устгана.
8. Таны эрх
- Өөрийн мэдээлэлтэй танилцах, засварлах (Профайл хэсгээс).
- Маркетингийн болон бусад мэдэгдлийг тохиргооноос унтраах.
- Зөвшөөрлөө цуцлах, мэдээллээ устгуулах.
- Бүртгэлээ устгах — дэлгэрэнгүйг Бүртгэл устгах хуудаснаас үзнэ үү.
10. Хүүхэд ба асран хамгаалагч
18 насанд хүрээгүй хүүхдийн мэдээллийг зөвхөн эцэг эх, асран хамгаалагч нь өөрийн бүртгэлд “ар гэрийн гишүүн” болгон нэмж оруулна. Хүүхдэд үзүүлэх гэрийн үйлчилгээний үед асран хамгаалагч заавал байлцана.
11. Холбоо барих ба өөрчлөлт
Нууцлалтай холбоотой асуулт, хүсэлтээ info@telerehab.mn хаяг эсвэл 7700-0000 утсаар илгээнэ үү. Бодлогод өөрчлөлт орсон тохиолдолд апп болон вэб сайтаар урьдчилан мэдэгдэнэ.